16 stk.

Snúðadeig:

550 + 50 g hveiti

70 g sykur

1 tsk. sjávarsalt

2 tsk. þurrger

2 dl mjólk

3 egg stærð M/L

150 g smjör, mjúkt

Setjið 550 g hveiti, sykur og salt í hrærivélaskál, blandið saman. Stráið þurrgeri og salti í og blandið saman við. Hitið mjólkina vel volga. Bætið eggjum í mjólkina og pískið saman. Passið að blandan sé fingurvolg (37°C). Hellið mjólkurblöndunni út í hveitið og setjið hrærivélina á rólegan hraða, notið hnoðarann, hnoðið vel saman eða í um 8 mín. Bætið nú smjörinu í, smátt og smátt, góða klípu í einu. Látið vélina ganga þar til smjörið er komið vel saman við. Bætið þá 50 g af hveiti í og hnoðið í aðrar 8 mín eða þar til deigið er samfellt í kúlu og sleppir skálinni. Látið hefast undir klút í klukkutíma.

Hrærið smjörblönduna saman. Skiptið deiginu í tvo hluta og dustið hveiti á borðið.

Takið annan hlutann og fletjið út í ferning ca. 45×60. Smyrjið helmingnum af kanelsmjörinu á helminginn af deiginu eftir lengri hliðinni og leggið hinn helminginn yfir. Skerið í jafna hluta og rúllið upp í snúða. Raðið í múffuform eða ofnskúffu sem er 40×30. Passið að hafa gott bil á milli því snúðarnir stækka mikið. Farið eins að við hinn helminginn af deiginu. Látið eftirhefast í a.m.k. 30 -60 mín. Hitið ofninn í 190°C og bakið í 15 mín. Setjið glassúr eða stráið flórsykri yfir.

Smjörblanda:

150 g vel mjúkt smjör

150 g púðursykur

1 tsk. kanell

1 tsk. malaðar kardimommur

Setjið allt í skál og hrærið vel saman.

Glassúr:

150 g flórsykur

sítrónu eða appelsínusafi ásamt örlitlu vatni

Sigtið flórsykurinn í skál og hrærið vökva saman við þar til hæfilegri þykkt er náð.