Þeir sem eru að elda út fílódeigi eiga gjarnan afgang af því. Opnaðar umbúðir af fílódeigi geymist 1-2 vikur í ísskáp og alger óþarfi að henda. Hér er frábær leið að nota afganginn af því í þennan fallega eftirrétt. Hér eru gefin upp 4 fílóblöð í uppskrift en upplagt að nota afskurð ef hann er til. Rósavatn og þurrkaðar rósir er gjarnan notað í arabíska eftirrétti
Fylling:
180 g ferskar döðlur
150 g pistasíur
2 msk. rósavatn
4 blöð fílódeig
50 g smjör, brætt
skraut ofan á:
pistasíur og þurrkuð rósablöð
Hunangsbráð:
3 msk. hunang
1 msk. rósavatn
Takið steininn úr döðlunni og setjið döðlurnar í matvinnsluvél. Vinnið þær saman með pistasíum og rósavatni þar til samlagað.
Hitið ofninn í 200°C. Setjið bökunarpappír á ofnplötu. Skerið fílódeigið í 4 parta. Takið hvern part af deigi og penslið smjöri á það, setjið hnetu-döðlublönduna (magn þannig að nóg sé á 16 bita) neðst á deigið og mótið sívaling. Brettið deig yfir neðst og til sitthvorrar hliðar og rúllið upp í litla pylsu. Raðið á ofnplötuna.
Penslið með smjöri, kannski þarf meira, fer eftir hvað þið notuðuð mikið til að pensla með.
Bakið í 10 mín eða þar til gullið og girnilegt. Hitið saman hunang og rósavatn og hellið yfir þegar boughasja er enn heitt nýkomið úr ofninum. Stráið söxuðum pistasíum og rósablöðum yfir.
Best sama dag og bakað en líka gott daginn eftir. Má frysta en er viðkvæmt og brotnar gjarnan við hnjask.
Rósavatn fæst m.a. í City market og Islanbul market