Hér er uppskrift að mjög einfaldri súkkulaðiköku. Þessi tegund af köku er mjög vinsæl í Svíþjóð og er kölluð “kladdkage” þar í landi og gæti kannski kallast klessukaka eða kladdkaka hér því hún er svolítið blaut og klístrug. Þetta er góð kaka að æfa sig á fyrir þá sem eru að byrja í bakstri eins því hún er ofureinföld og undurgóð.

2 egg

200 g sykur

1 tsk. vanilludropar

100 g smjör, brætt og kælt lítilega

100 g hveiti

40 g kakó

Hitið ofninn í 180°C. Þeytið egg og sykur þar til blandan er létt og ljóst. Bætið vanilludropum út í og blandið vel saman. Bætið smjöri út í og sigtið hveiti og kakó út í líka. Blandið öllu varlega saman með sleikju. Setjið bökunarpappír í botn á 20-22 cm formi, gott er að nota smelluform. Hellið deiginu í formið. Bakið í miðjum ofni í 20 mín. Látið kökuna bíða í forminu í 10 mínútur og losið þá varlega um hliðarnar og setjið kökuna á tertudisk.

Berið kökuna fram volga með þeyttum rjóma og ef til vill berjum.