Pasta Norma frá Sikiley

Eftir grilltíðina í sumar er gott að hvíla bragðlaukana á kjöti og elda einfaldan pastarétt úr grænmeti. Þessi réttur hefur fylgt okkur lengi og er mjög einfaldur og jafn góður og gott faðmlag. Mjög gott er að nota smátómata, þeir eru sætir, hollir og góðir. Það tekur alltaf tíma að steikja eggaldin, það dregur alla olíuna af pönnunni í sig en eftir góða stund á pönnunni fer það að brúnast, það þarf bara að sýna eggaldininu þolinmæði. Rétturinn dugar fyrir 4 svanga.

1 stórt eggaldin, 2 ef þau eru mjög lítil

4 msk. ólífuolía

3 hvítlauksgeirar, sneiddir

1 tsk. oreganó

½ tsk. chiliflögur

400 g konfekttómatar eða venjulegir, saxaðir eða 1 dós saxaðir tómatar (400 g)

1 msk. kapers (gott að nota þetta smáa)

1 msk. rauðvínsedik

örlítið hunang ef þarf

salt og pipar

320 g pasta

50 g parmesanostur 

nokkur basillauf (má sleppa)

Skerið eggaldin niður í litla bita. Hellið ólífuolíu á pönnu og steikið eggaldin þar til það fer að brúnast. Þú þarft stóra pönnu og þetta tekur góða stund. Bætið hvítlauk, oreganó og chiliflögum saman við og steikið áfram í 1-2 mín.  Hellið tómötum, kapers, rauðvínsediki, salt og pipar eftir smekk á pönnuna og látið þetta malla saman á lágum hita í 15 mín. Smakkið til aftur, ef ykkur og finnst vanta sætu er gott að bæta örlitlu hunangi úr í, þess þarf ekki ef tómatarnir eru sætir. 

Sjóðið pastað eftir leiðbeiningum, mér finnst gaman að nota penne eða eitthvað gróft skorið pasta með þessari sósu. Takið frá ¾ dl af pastavatninu þegar pastað er soðið og hellið í sósuna. Sigtið vatnið síðan frá pastanu og hellið pastanu út í sósuna á pönnunni. Blandið vel saman. Rífið parmesan ost yfir og rífið basil (ef þið eigið það) yfir líka í lokin. Piprið vel yfir allt saman og berið fram strax. Þetta dugar fyrir 4 svanga. 

Posted by

Við í Salt Eldhúsi erum miklir sælkerar og erum sífellt að prófa okkur áfram í matargerð og að skapa nýja rétti. Ég er annar eigandi og framkvæmdastjóri Salt Elhúss ehf, kennslueldhúss sælkerans, fyrrum þáttagerðarmaður og síðan ritstjóri á Gestgjafanum. Hér á blogginu setjum við inn okkar uppáhalds uppskriftir.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s