Franskur karamellubúðingur – Creme caramel

Franskara verður það varla !

Þessi karamellubúðingur er í miklu uppáhaldi á mínu heimili. Við kynntumst þessum flauelsmjúka og sæta búðing þegar við bjuggum í Frakklandi. Þar í landi er hann jafnalgengur á eftirréttaseðli á veitingahúsum og súkkulaðikaka hér á landi ( sem sagt… alltaf). Í stórmörkuðum þar er síðan hægt að fá allskonar útgáfur.
En…….það jafnast ekkert á við heimalagaðann……..að sjálfsögðu. Það má gera búðinginn í litlum formum til dæmis hvítu leirformunum sem eru oft notuð undir mjúka súkkulaðiköku eða í einu djúpu formi leir, ál eða stál um 18-20 cm í ummál. Uppskriftin virkar löng en eftir að hafa gert búðinginn einu sinni er þetta með fljótlegri eftirréttum og hægt að hafa formin tilbúin í ísskáp eða hvolfa honum á diska eða fat og hafa hann tilbúinn þannig. Karamellubúðingurinn er bestur sama dag og hann er lagaður. Uppskriftin er fyrir 6-8.

Í formið:

200 g sykur

Eggjablandan:

5 dl mjólk

1 dl rjómi

80 g sykur

1 vanillustöng

3 egg

3 eggjarauður

1 tsk. vanilludropar

Hitið ofninn í 180°C (170°C blástur). Setjið upp ketil af vatni til suðu ( til að hella í ofnskúffuna). Hellið sykrinum (200 g) á pönnu og hitið hann þar til hann verður dökkbrún og fljótandi. Hellið sykrinum í ofnföst form annaðhvort 6-8 lítil eða eitt sem er djúpt og um það bil 20 cm að ummáli. Notið pottaleppa eða hanska og veltið forminu þannig að sykurinn nái upp með formunum til hálfs eða eins hátt upp með börminum og þið getið. 

Skerið vanillustöngina í tvennt eftir endilöngu og skafið kornin úr. Hellið mjólk og rjóma saman í pott og hitið að suðu með kornum úr vanillustönginni og stönginni sjálfri, látið þetta standa með lokið á pottinum í 10 mín. Þetta er gert til að fá sem mest af bragði úr vanillustönginni. Setjið egg, eggjarauður og sykur í skál og þeytið létt saman með písk. Hellið mjólkurblöndunni út í eggjablönduna í gegn um sigti og þeytið saman þar til samlagað. Bætið vanilludropum út í og hellið blöndunni í sykurklæddu formin. 

Finnið ofnskúffu eða fat sem rúmar formin/formið vel og setjið þau í það. Setjið þetta í ofninn og hellið vatni í ofnskúffuna svo nái upp á formin til hálfs. Bakið í 5 mínútur og lækki þá hitann í 160°C (150°C blástur). Bakið í um það bil 40 mínútur eða þar til búðingurinn er stífur viðkomu. Kælið vel og hvolfið síðan á diska. Það er gott að bera rjóma með og þá er gott að hella smá af karamellunni sem kemur af búðingnum út í hann. Uppskriftin er fyrir 6-8

Posted by

Við í Salt Eldhúsi erum miklir sælkerar og erum sífellt að prófa okkur áfram í matargerð og að skapa nýja rétti. Ég er annar eigandi og framkvæmdastjóri Salt Elhúss ehf, kennslueldhúss sælkerans, fyrrum þáttagerðarmaður og síðan ritstjóri á Gestgjafanum. Hér á blogginu setjum við inn okkar uppáhalds uppskriftir.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s