17 júni er í næstu viku og góð ástæða til að baka þessa glæsilegu jarðaberjatertu. Kökuna er þægilegt og einfalt að baka, bara einn botn og þeyttur rjómi ofan á og síðan glás af jarðaberjum. Kökubotninn er mjög góður með fínlegu marsípanbragði og stendur fyrir sínu og hægt að setja allskyns ávaxti ofan á ef jarðaber eru ekki til.

200 g marsípan ( ren rá marsipan)

200 g sykur

200 g mjúkt smjör

3 egg

100 g hveiti

½ tsk lyftiduft

2 tsk. sítrónubörkur

1 tsk. vanilludropar

Ofan á:

4-5 dl rjómi þeyttur

400 g jarðarber

2 msk. flórsykur

Hitið ofninn í 160°C. Rífið marsípanið niður á rifjárni og hrærið saman við smjör og sykur í hrærivél. Bætið eggjum út í einu í einu og síðast hveitinu, lyftidufti, sítrónubörk og vanillu. Setjið deigið í smjörpappírsklætt smellumót, 28 cm breitt og bakið í 30-40 mín.