Ítölsk möndlukaka

Breska matreiðslublaðið Delicious þekka margir matgæðingar. Þar birtist eitt sinn listi yfir þær 20 bækur sem allir matgæðingar ættu að eiga. Bók Emiko Davies Florentine var þar á meðal og í bókinni fjallar Emiko um matinn í borginni sem hún býr í og elskar, Flórens. Emico er með ferða og matarblogg en þar fann ég uppskriftina að ítalskri möndluköku sem er hér að neðan. Bragðið af kökunni er dásamlegt bragð af Ítalíu, sól, sítróna og möndlur. Kakan er sáraeinföld í framkvæmd, hráefni, skál og gaffall við hendina og kakan er tilbúin inn í ofninn.

150 g hveiti

150 g sykur

150 g smjör, brætt

1 egg

3 eggjarauður

börkur af 1 sítrónu

80 g afhýddar möndlur

2 msk. flórsykur

Hitið ofninn í 180°C (170°C blástur). Setjið bökunarpappír á botninn á 20 cm formi. Setjið hveiti og sykur í skál. Hellið smjörinu út í ásamt egginu, eggjarauðunum og sítrónuberkinum. Hrærið allt saman með gaffli. Jafnið deiginu í formið og raðið möndlunum fallega ofan á, gott að ýta þeim lítillega niður í deigið. Bakið kökuna í 25-30 mín. Takið kökuna úr forminu og setjið á kökudisk. Sigtið flórsykri ofan á. Eggjahvítur má frysta t.d. í zip-lock poka og nota síðar, þær geymast í ár.

Posted by

Við í Salt Eldhúsi erum miklir sælkerar og erum sífellt að prófa okkur áfram í matargerð og að skapa nýja rétti. Ég er annar eigandi og framkvæmdastjóri Salt Elhúss ehf, kennslueldhúss sælkerans, fyrrum þáttagerðarmaður og síðan ritstjóri á Gestgjafanum. Hér á blogginu setjum við inn okkar uppáhalds uppskriftir.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s