Hreindýrabollur með brúnni sósu

Hér er uppskrift að dýrindis hreindýrabollum. Þeir sem eru svo lánsamir að ná í dýr vita að þegar það er verkað verða til ósköpin öll af hreindýrahakki. Margir leysa það með því að elda hamborgara og hakkið er frábært í þá.  Borgarar verða samt leiðigjarnir til lengdar og tilvalið að elda bollur úr þessu frábæra hráefni.

Bollur:

500 g hreindýrahakk

2 brauðsneiðar eða ¾ dl gott brauðrasp

8-10 einiber, steytt

1 tsk. heill allrahanda eða ½-3/4 tsk. duft

12-14 þurkaðar apríkósur, saxaðar smátt

1 egg

3 msk. rjómi

salt og nýmalaður pipar

2 msk. olía til að steikja upp úr

Sósa:

2 msk. olía

1 laukur, saxaður

2 ½ dl vatn + villikraftur

¾ dl rjómi

e.t.v. örlítið af sósuþykki

Blandið öllu saman sem fer í bollurnar, það er gott að gera það í hrærivél með hræraranum, annars bara hnoða saman í skál. Mótið frekar litlar bollur. Steikið laukinn í olíu og setjið til hliðar á disk. Steikið bollurnar, helminginn í einu svo þær brúnist vel. Bætið lauknum aftur á pönnuna með bollunum. Hellið vatni og villikraft út á, látið suðuna koma upp, lækkið síðan og látið allt malla saman í 10-15 mín, fer eftir stærð á bollum. Bætið rjómanum út í, sjóðið saman og smakkið til mað salti og pipar. Þykkið með sósuþykki. Berið fram með soðnum kartöflum, rabarbarasultu og heimalöguðum rauðrófum.

Heill allrahanda fæst í Melabúð

Posted by

Við í Salt Eldhúsi erum miklir sælkerar og erum sífellt að prófa okkur áfram í matargerð og að skapa nýja rétti. Ég er annar eigandi og framkvæmdastjóri Salt Elhúss ehf, kennslueldhúss sælkerans, fyrrum þáttagerðarmaður og síðan ritstjóri á Gestgjafanum. Hér á blogginu setjum við inn okkar uppáhalds uppskriftir.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s