Hrærð egg með indverskum kryddum

Hér er uppskrift að dásamlegri eggjahræru sem er vel krydduð. Hún er svo góð að búið er að líma hana inn á skápinn í eldhúsinu svo allir heimilismeðlimir geti gert sér eitthvað gómsætt með lítilli fyrirhöfn. Upprunalega var uppskriftin með tofu og fyrir þá sem ekki borða egg er það alveg gráupplagt.

4 egg

2 msk. vatn

½ tsk. salt

nýmalaður pipar

2 msk. olía

1 lítill laukur, saxaður smátt

1 hvítlauksgeiri, saxaður smátt

chilipipar eftir smekk

1 tsk. karrýduft, garam masala eða önnur góð indversk kryddblanda sem þið eigið

1 tsk. túrmerik

1 tsk. kumminduft

fersk steinselja, söxuð (má sleppa)

Setjið egg í skál og þeytið þau létt saman með vatni, salti og pipar. Hitið olíuna á pönnu og steikið laukinn þar til hann fer að verða mjúkur, steikið hvítlaukinn með síðustu mínútuna. Bætið þurrkryddum á pönnuna og steikið þau saman í 2-3 mín. Hellið eggjablöndunni á pönnuna og lækkið hitann á minnsta straum. Eldið eggin með laukblöndunni og hrærið í allan tímann, passið að ofelda þau ekki. Stráið steinselju yfir. Berið fram með indversku brauði eða ristuðu súrdeigsbrauði með vel af smjöri. Uppskriftin dugar fyrir tvo.

Posted by

Við í Salt Eldhúsi erum miklir sælkerar og erum sífellt að prófa okkur áfram í matargerð og að skapa nýja rétti. Ég er annar eigandi og framkvæmdastjóri Salt Elhúss ehf, kennslueldhúss sælkerans, fyrrum þáttagerðarmaður og síðan ritstjóri á Gestgjafanum. Hér á blogginu setjum við inn okkar uppáhalds uppskriftir.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s