Pottbrauð

Hér er uppskrift að frábæru brauði sem inniheldur mjög lítið af þurrgeri. Galdurinn er að láta deigið hefast lengi eða í 12-18 klst. og baka það í pottjárnspotti. Við notum gjarnan brauðhveitið í bláu pokunum en það er gaman að nota aðrar tegundir eins og lífrænt hveiti eða blanda saman tegundum. Ef þið notið gróft mjöl þarf að nota meira af þurrgeri eða u.þ.b. 1/2 -1 tsk. Þið þurfið að ganga úr skugga um að lokið á pottinum þoli þetta háan hita, ef ekki er ráð að nota álpappír ofan á pottinn fyrstu 30 mínúturnar.

470 g brauðhveiti

1/4 tsk. þurrger

1 msk. salt

360 g vatn

Hrærið öllu saman í skál, gott er að nota sleif. Setjið þétt plast eða annað sem þið eruð vön að nota yfir skálina og látið deigið bíða við stofuhita í 12-18 klst. Þegar þið eruð tilbúin að baka brauðið, hitið þið ofninn í 240°C. Setjið pottjárnspott með loki í ofninn, hann á að hitna með. Veltið deiginu saman í skálinni með deigsköfu, ekki hnoða. Takið pottinn úr ofninum og berið olíu inn í hann. Hellið brauðinu í pottinn, setjið lok á hann, lækkið hitann í 220°C og bakið brauðið í 30 mín. Takið lokið af pottinum og bakið áfram í 15 mín. Takið brauðið úr pottinum og látið rjúka úr því í 10-15 mín áður en þið skerið það í sneiðar.

Posted by

Við í Salt Eldhúsi erum miklir sælkerar og erum sífellt að prófa okkur áfram í matargerð og að skapa nýja rétti. Ég er annar eigandi og framkvæmdastjóri Salt Elhúss ehf, kennslueldhúss sælkerans, fyrrum þáttagerðarmaður og síðan ritstjóri á Gestgjafanum. Hér á blogginu setjum við inn okkar uppáhalds uppskriftir.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s