Nú er tími fyrir síld. Lítið mál er að marinera sína eigin síld og engin leið að lýsa því hversu mikið betri hún er. Hér er aðeins brugðið út af þessu hefðbundna hráefni í ediksleginum og þurrkaðar apríkósur hafðar með í honum. Þær eru góðar með sæt-saltri síldinni.

6 saltsíldarflök

2 dl gott edik, t.d. hvítvíns- eða lageredik

1 dl vatn

1 ½ dl sykur

2 msk. púðursykur

1 rauðlaukur, skorinn í tvennt og sneiddur

1 gulrót, flysjuð og sneidd þunnt

4 þurrkaðar apríkósur, skornar í litla bita

10 piparkorn

8 allrahalda, heilt

6 einiber

3 lárviðarlauf

½ tsk. sinnepsfræ

4 negulnaglar

Sjóðið edik, vatn, sykur og púðursykur saman. Bætið rauðlauk, gulrót og apríkósum út í og látið suðuna koma upp. Steitið 5 piparkorn, allrahalda og einiber gróft og bætið í löginn. Kælið vel. Útvatnið síldina í köldu vatni í 8-10 eða eftir leiðbeiningum frá fisksalanum. Setjið síldina í stóra krukku, fallegt að láta glansandi hliðina á henni snúa að krukkunni svo hún sjáist.  Hellið leginum yfir, bætið lárviðarlaufum, sinnepsfræjum og negulnöglum út í. Látið trekkja í a.m.k. sólarhring. Síldin verður enn betri eftir nokkra daga.