Bessastaðakökur

 

Bessastaðakök­ur voru bakaðar á Bessastöðum í tíð Vigdísar Finnbogadóttur. Vigdís segir kökurnar hafa verið bakaðar í sinni fjölskyldu frá því hún man eftir sér. Vigdís segir þær ættaðar frá Jakobínu Thomsen, konu Gríms Thomsen þegar hann bjó á Bessa­stöðum á síðari hluta 19. ald­ar. Ég tók með mér þessa upp­skrift þegar ég flutti til Bessastaða og þær voru alla mína tíð bakaðar þar, reynd­ar all­an árs­ins hring,  og born­ar fram í silf­ur­skál (eins og kon­fekt) með kaffi (og aðeins þær sem bakk­elsi) öll­um þeim sem komu í stutt viðtöl eða með ein­hver er­indi, – það var alltaf öll­um boðið kaffi að göml­um sveitasið,“ sagði Vig­dís. Mbl. 19.12.2013

Þessar yndislegu smjörkökur hreinlega bráðna í munninum og eru algjörlega fyrirhafnarinnar virði. Ekta fullorðinskökur.

 

250 g smjör
250 g flórsykur
250 g hveiti
1 eggjarauða
saxaðar möndlur eða hnetukjarnar

Í uppskriftinni er hreinsað smjör, sem áður og jafnvel enn er gjarnan kallar að „skíra“ smjörið, þá er mjólkin hreinsuð frá smjörinu og kökurnar renna ekki út við baksturinn.

Bræðið smjörið við hægan hita, hellið því í skál og látið síðan storkna inn í ískáp. Takið smjörhleifinn úr skálinni og skafið hvíta mjúka partinn (mjólkurprótín oft kölluð syrjan) ofan af, sem sagt það sem var botnfall þegar smjörið storknaði, við notum þetta ekki.
Setjið hveiti og flórsykur í skál og blandið saman, saxið hreina smjörið niður í litla bita og hnoðið því saman við þar til þetta verður samfellt deig, þetta getur tekið svolítinn tíma og fer eftir hversu heitar hendur þið eruð með. Skiptið deiginu í 4 parta og rúllið upp í pylsur, þvermál má vera u.þ.b. eins og 10 krónu peningur. Kælið deigið í 1-2 klst.

Hitið ofninn í 180°C (170°C á blástur) og þekið 2 bökunarplötur með bökunarpappír. Skerið deigið niður í örþunnar sneiðar og raðið þeim á plötuna. Setjið örlítinn dropa af eggjarauðu ofan á hverja köku og sáldrið söxuðum möndlum eða hnetum ofan á hann. Bakið í um 15 mínútur. Kökurnar eiga ekki að taka mikinn lit, þær eiga að vera næstum alveg hvítar.

Posted by

Við í Salt Eldhúsi erum miklir sælkerar og erum sífellt að prófa okkur áfram í matargerð og að skapa nýja rétti. Ég er annar eigandi og framkvæmdastjóri Salt Elhúss ehf, kennslueldhúss sælkerans, fyrrum þáttagerðarmaður og síðan ritstjóri á Gestgjafanum. Hér á blogginu setjum við inn okkar uppáhalds uppskriftir.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s