Matur sem eldar sig sjálfur gæti verið yfirskriftin að þessum girnilega kjúklingarétt. Allt inn í ofninn og síðan bara að hafa það kósí og njóta þess að finna matarilminn verða til smátt og smátt.

800 -1000 g kjúklingabitar með skinni, gott er að nota leggi og efrilæri

3-4 laukar, eftir stærð

4 msk. tómatpúra

3 msk. olía

1 tsk paprikuduft

1 msk. maple síróp (má sleppa ef vill)

sjávarsalt og nýmalaður pipar

Hitið ofninn í 180°C. Setjið bökunarpappír í ofnskúffu. Þerrið kjúklingabitana með eldhúspappír og raðið í ofnskúffuna. Afhýðið laukinn og skerið í fjóra parta. Blandið tómatpúru, olíu, paprikudufti, sírópi salti og pipar í skál. Penslið kjúklingabitana á öllum hliðum með blöndunni. Raðið lauknum á milli kjúklingabitanna, dreypið örlítið af ólífuolíu yfir. Bakið í ofninum í 40 mínútur. Berið fram t.d. með hýðisgrjónum eða quinoa ásamt tamarisósu.