Góð fiskisúpa er fínn helgarmatur. Hér er uppskrift að einni, nokkuð einfaldri, sem er krydduð að Tælenskum hætti, undurgóð súpa sem hlýjar.

 

200 g vermicelli núðlur, lagðar í bleyti eftir leiðbeiningum

2 dósir kókosmjólk eða sem samsvarar 800 g má gjarnan vera ein dós fullfeit og ein létt saman

6 dl fiskisoð

½ dl tælensk fiskisósa (nam pla)

½ tsk. túrmerik

400-500 g fiskur í bitum, má vera blanda af tegundum og jafnvel nokkrar hráar rækjur með

150 g sykurbaunir, skornar í bita

3 vorlaukar, sneiddir fínt

nokkrir stilkar ferskt kóríander til að setja ofan á

1 límóna, skorin í 4 báta

 

Hitið rúmgóðan pott og steikið kryddblönduna í 2 mín. Bætið kókosmjólk út í og látið allt sjóða saman í 10 mín. Bætið fiskisoði og túrmerik út í og sjóðið áfram í 5 mín. Setjið fiskisósuna út í ásamt fisknum og sykurbaunum og látið sjóða í 1-2 mín. Bætið núðlum í pottinn og hitið allt vel í gegn. Sáldrið vorlauk og fersku kóríander ofan á í lokin og berið límónubát með. Uppskriftin dugar fyrir 4.

 

 

Kryddmauk:

1-2 rauð chili (eftir því hvað þið þolið sterkt)

5 cm bútur engieferrót

3 hvítlauksgeirar

1 tsp. kóríanderfræ, mulin í morteli

2 msk. sesamolía eða önnur olía sem þið eigið

handfylli ferskt kóríander, gjarnan með rótinni

 

Setjið allt hráefnið í matvinnsluvél og maukið vel saman.