Pönnubrauð Salt Eldhúss

Á námskeiðunum okkar eins og á makrónunámskeiði og námskeið í súrdeigsbakstri þar sem ekki er eldaður matur bjóðum við upp á heimabakað brauð og góða súpu. Oftar en ekki vilja nemandur fá uppskriftina af góðgætinu og hér er uppskrift að pönnubrauðinu okkar góða. Brauðið er stórt enda á það að duga fyrir 16 manns en það er mjög gott að frysta það ef afgangur verður.

Eitt stórt brauð

 

700 g hveiti

200 g brauðhveiti

100 g byggmjöl

1 msk. sjávarsalt

2 tsk. þurrger

6 dl vatn

150 g súr

 

¾ -1 dl olía, til að setja ofan á og undir brauðið

3 tsk. krydd t.d. rósmarin, timian eða oreganó eða blanda af öllu

 

Dagur 1:

Setjið þurrefni saman í hrærivélaskál og blandið þeim saman. Setjið vatn og súr saman í skál og hrærið saman. Hellið vökvanum í hveitiblönduna og hnoðið með hnoðaranum í 8-10 mín. Leggið plast eða annað sem ykkur hugnast yfir hrærivélaskálina og látið deigið hefast í ísskáp yfir nótt. Það mun nær tvöfaldast að ummáli.

Dagur 2:

Takið deigið úr skálinni og fletjið það út þannig að það passi í ofnskúffu. Setjið bökunarpappír í ofnskúffu og hellið svolitlu af olíu á pappírinn. Leggið brauðið í skúffuna, það er allt í lagi þó það fylli ekki út í hornin, það á eftir að hefast og bakast og tekur þá allt plássið. Látið deigið nú bíða í 1-2 tíma við stofuhita. Setjið nú holur í deigið með fingrunum og hellið ólífuolíu ofan á það, stráið kryddi og e.t.v. sjávarsalti ofan á deigið.  Hitið ofninn í 200°C. Setjið inn í heitan ofninn og bakið brauðið í 40-50 mín. Fer svolitið eftir ofninum hversu lengi þarf að baka en brauðið á að vera orðið gullið og vel bakað ofan á.

Posted by

Við í Salt Eldhúsi erum miklir sælkerar og erum sífellt að prófa okkur áfram í matargerð og að skapa nýja rétti. Ég er annar eigandi og framkvæmdastjóri Salt Elhúss ehf, kennslueldhúss sælkerans, fyrrum þáttagerðarmaður og síðan ritstjóri á Gestgjafanum. Hér á blogginu setjum við inn okkar uppáhalds uppskriftir.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s