Það er ekki mikil fyrirhöfn að gera þennan flotta og ljúffenga eftirrétt.

fyrir 2

100 g rjómaostur

1 msk. hrásykur

1 eggjarauða

1 -1 1/2 dl rjómi, léttþeyttur

6 fingurkökur (ladyfingers)

3 msk. sterkt lagað kaffi

3 msk. kaffilíkjör

50 g súkkulaði 70%, saxað mjög fínt

Hrærið rjómaost þar til hann fer að verða mjúkur. Hrærið eggjarauðu og hrásykur í annari skál þar til blandan verður létt og loftkennt. Blandið þessu tvennu saman með sleikju. Blandið næstum öllum rjómanum saman við, geymið smávegis til að skreyta með. Brjótið 3 fingurkökur í hvort glas. Hellið jafnt af kaffi og kaffilíkjör ofan á kökurnar, ef ég á ekki kaffi læt ég bara líkjör, nammi-namm. Bíðið smástund meðan vökvinn er að blandast kökunum. Hellið rjómakremi varlega ofan á kökurnar. Stráið vel af söxuðu súkkulaði ofan á rjómakremið. Skreytið með rjómatopp og smá af súkkulaði. Kælið.