Sumarlegt salat með lambafille

Er sumarið ekki að koma ? Þetta girnilega salat er alveg til þess fallið að bræða hjarta elskunnar þinnar og öll höfum við löngun til þess að dekra við hann eða hana. Nú þegar sumarið er á næsta leiti, jú jú það er að koma, er góð stemming í því að hafa þetta djúsí salat í helgarmatinn.

Fyrir 2

1/2 eggaldin, skorið í fingurþykkar sneiðar

3 msk. olía

300 g lambafille, 1 stórt eða tvö minni

1 poki blandað salat, gjarnan með spínati og klettakáli saman við

3 msk. furuhnetur, þurrristaðar (má líka nota pecan- eða valhnetur)

1 -2 dl sólkysstir tómatar (hálf sólþurrkaðir)

1/2 granatepli, kjarnar úr því (má sleppa)

6 msk. góð ólífuolía

2 msk hindberjaedik

Sjávarsalt og nýmalaður pipar

Hitið ofninn í 180°C. Steikið eggaldinsneiðarnar á báðum hliðum í olíu, Geymið á disk. Það er smávandi að steikja eggaldin best er að nota teflohúðaða pönnu og pensla sneiðarnar með olíunni áður er þið byrjið að steikja, pensla svo aftur á miðri leið. Ekki bæta meiri og meiri olíu á pönnuna eins og virðist þurfa, bara taka tíma í þetta.

Steikið lambafille á pönnu með fituhliðina niður fyrst og síðan á öllum hliðum þar til þær eru brúnaðar. Setjið í ofninn í 10-15 mín, tími fer eftir stærð. Setjið salatið á fat. Rífið eða skerið eggaldinsneiðar í tvennt og raðið ofan á. Skerið lambafille í sneiðar og raðið líka ofan á. Dreifið sólkysstum tómötum, furuhnetum og granateplakjörnum ofan á og hellið olíu og hindberjaediki yfir. Saltið og piprið. Berið fram með góðu brauði og rauðvíni.

Sumarlegt salat með lambafille

Posted by

Við í Salt Eldhúsi erum miklir sælkerar og erum sífellt að prófa okkur áfram í matargerð og að skapa nýja rétti. Ég er annar eigandi og framkvæmdastjóri Salt Elhúss ehf, kennslueldhúss sælkerans, fyrrum þáttagerðarmaður og síðan ritstjóri á Gestgjafanum. Hér á blogginu setjum við inn okkar uppáhalds uppskriftir.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s